Protesta të dhunshme në Athinë, kreu i stacionit në Larisa në gjendje të rëndë

Përleshjet shpërthyen sot në Athinë mes policisë dhe një grupi që protestonte ndaj aksidentit tragjik ku humbën jetën të paktën 57 persona.

Demonstrata u zhvilluan edhe në Selanik, ku një grup qytetarësh mbanin pankarta ku shkruhej: “Ishin të vegjël, ishin fëmijë, nuk ishte aksident, por vrasje”.

Pak para përfundimit të demonstratës, shoqatat studentore shkruan me të kuqe “Ju jeni vrasës” dhe brohoritnin parulla duke kërkuar drejtësi për viktimat.

Sipas informacioneve të shërbimit publik grek ERT, shefi i stacionit në Larisa, ndaj të cilit  është bërë kallëzim penal për vrasje seriale nga pakujdesia, është në një gjendje shumë të rëndë psikologjike dhe pas arrestimit dyshohet se ka bërtitur se mbante në shpinë “35 arkivole”.

Avokati i tij mbrojtës deklaron se 59-vjeçari ka marrë përgjegjësinë për aksidentin dhe gabimin fatal ia atribuon kohës së keqe.

Edhe pse fillimisht ai pretendoi se aksidenti ishte shkaktuar nga një gabim i sistemit, ai përfundimisht pranoi se treni i pasagjerëve kishte qenë në binarë të gabuar gjatë gjithë kohës.

LEXONI GJITHASHTU:

• 6 shqiptarë të vdekur në aksidentin hekurudhor në Greqi, Xhaçka shpreh ngushëllimet
• “Më ndihmoi një fëmijë për ta nxjerrë”, flet i dashuri i viktimës shqiptare në Greqi