Protestë kundër influencës gyleniste, dhjetëra besimtarë myslimanë para Medresesë

Denoncimi i shkeljeve në zgjedhjet e Komunitetit Mysliman si dhe denoncimi i kapjes së Komunitetit Mysliman nga sekt-organizata Gylen ka nxjerrë në protestë disa besimtarë myslimanë para Medresesë në Tiranë.

Protesta vjen pak ditë pas tensioneve brenda xhamisë Dine Hoxha në Rrugën e Kavajës ku besimtarët ofenduan myftiun e Tiranës Laurent Lulin dhe tentuan ta përzënë.

“Gylenist, terrorist, nuk je myfti, je pushtues i pozicionit të myftiut, nuk të duam, je gylenist”, – ishin shprehjet fyese ndaj myftiut të Tiranës.

Në zgjedhjet për kreun e ri të KMSH janë disa kandidatura: Bujar Spahiu, kreu aktual i KMSH, Eduard Shefki dhe Emirjon Vathaj.

Ndërkohë, ditën e djeshme është zëvendësuar myftiu i Tiranës, Laurent Luli me Bilal Teqjan.

LEXONI GJITHASHTU:

• Paralajmërimi i analistit: Gylenistëve në Shqipëri do ia dëgjoni krismën
• Eksperti: Si e morën gylenistët Komunitetin Mysliman Shqiptar