VIDEO-LIVE| Protestuesit tentojnë të hyjnë në parlament, plagosen lehtë dy efektivë

Është përshkallëzuar protesta e opozitës në ambientet e jashtme të parlamentit. Pas djegies së pirgjeve me goma, protestuesit kanë qëlluar me vezë dhe mollë në drejtim të kordonit të policisë të vendosur në ambientet e jashtme të sallës së seancave plenare.

Pas shpërthimit në flakë të gomave të lyera me benzinë situata duket se u qetësua përkohësisht, me qytetarët dhe uniformat blu që u spostuan nga pozicionet e tyre në nisje të protestës, kjo dhe për shkak të ambientit të rëndë të krijuar si pasojë e tymit.

Por pas djegies së gomave pati sërish konfrontime mes protestuesve dhe policisë të cilët tentuan të thyejnë kordonin e policisë dhe të hyjnë në ambientet e parlamentit.

Si pasojë e përplasjeve u plagosën lehtë dy efektivë.

Në gadishmëri qëndrojnë forcat RENEA, të cilët po monitorojnë situatën, ndërkohë që autoboti me ujë është afruar për të ndaluar turmën të çajë kordonin e policisë.

Duket se dhe në protestën përballë parlamentit do të përdoret i njëjti skenar te protesta përballë bashkisë së Tiranës, përmes djegies së gomave dhe tentativave për thyerjen e koordonit të policisë.

Me pankarta në duar dhe nën thirrjet “Rama ik”, protestuesit kërkojnë dorëheqjen e kryeministrit. Protesta e opozitës cjen pas investigimit të emisionit Rai 3, ku u hodhën akuza për lidhje të qeverisë me personazhe të inkriminuar.

LEXONI GJITHASHTU:

• Përshkallëzohet protesta, i vihet flaka pirgjeve me goma përballë parlamentit
• VIDEO| Policia “blindon” Parlamentin, 400 policë angazhohen për protestën e opozitës
• Protestuesit përplasen me policinë dhe djegin goma, bëhet gati autoboti me ujë