Protestuesit pro-palestinezë përleshen me policinë para ndeshjes Itali-Izrael 

Ndeshja kualifikuese e Italisë kundër Izraelit për Kupën e Botës të martën në mbrëmje, u shoqërua nga një marshim i madh pro-palestinez në qytetin verior italian të Udines, e cila nisi qetë dhe paqësore, por përfundoi në përleshje midis disa protestuesve dhe policisë.

Sipas raportimeve, autoritetet e futbollit dhe të sigurisë e kishin vendosur ndeshjen në kategorinë e rrezikut më të lartë për shkak të protestave të planifikuara.

Ndërkohë, Italia fitoi kundër Izraelit me rezultatin 3:0.

Në fund të marshimit, rreth 50 persona, me fytyrat e mbuluara, filluan të përlesheshin me policinë, e cila përdori uji dhe gaz lotsjellës për t’i shpërndarë.

Protestuesit thuhet se po përpiqeshin të kalonin kordonet e policisë për t’u drejtuar drejt stadiumit, i cili ndodhet në periferi të Udines. Protestuesit hodhën barriera metalike dhe objekte të tjera drejt policisë, qëlluan me fishekzjarrë dhe u vunë flakën kazanëve të plehrave.

Sakaq, dy gazetarë u plagosën në përleshje, ndërsa disa oficerë policie u lënduan gjithashtu, sipas raportimeve të mediave italiane.

LEXONI GJITHASHTU:

• Blindohet Parisi, supermasa në prag të ndeshjes Francë-Izrael
• Tifozët izraelitë të futbollit shkaktojnë zemërim në Poloni me pankartën “vrasës”