PS-ja i rrëzoi dekretin për Butrintin, reagon Meta: Po shkelni Kushtetutën

Presidenti Ilir Meta ka reaguar pasi Partia Socialiste ktheu dekretine tij, për ligjin e menaxhimit të Parkut Kombëtar të Butrintit.

Përmes një postimi në rrjetet sociale, Meta i ka kërkuar deputetëve që të mbrojnë Parkun e Butrintit dhe dhe vlerat e trashëgimisë kulutore kombëtare.

Teksa liston disa nga arsyet ligjore, për të cilën ai e ktheu për shqyrtim këtë ligj, ku theksohet cënimi i dispozitave ligjore të Kushtetutës, Meta shprehet se rrëzimi i dekretit të tij, nuk do t’i shërbente aspak interesave të larta të vendit dhe kombit shqiptar.

Ndër të tjera, Kreu i Shtetit theksoi se veprimi i mazhorancës do të përkeqësonte çdo marrëdhënie të organeve të shtetit me shoqërinë civile, ekspertët dhe qytetarët në tërësi.

Kuvendi ka miratuar me 75 vota pro, ligjin për administrimin e Parkut të Butrintit nga Fondacioni shqiptaro-amerikan për Zhvillim për 10 vitet e ardhshme.

Grupime të shoqërisë civile e kanë kundërshtuar kalimin e Parkut të Butrintit në menaxhim të Fondacionit shqiptaro-amerikan për Zhvillim.

LEXONI GJITHASHTU

• Mazhoranca rrëzon dekretin e Metës për Butrintin
• ‘Projekt ogurzi’, aktivistët kundërshtojnë marrëveshjen për Butrintin
• “Shteti shet xhevahir”, arkeologu për Butrintin: Situata më keq se në Sri Lanka