PS kërkesë KZAZ-ve: Vijoni numërimin e votave të diasporës për Greqinë

Partia Socialiste i është drejtuar zyrtarisht me një kërkesë shtatë Komisioneve të Administrimit, Numërimit dhe Vlerësimit të Votave nga Jashtë, ku u kërkon që të vijojnë procesin e numërimit të votave të ardhura nga Greqia.

Sipas PS-së, afro 25% e zarfeve të tipit “B” janë kontestuar nga anëtarë të grupeve të numërimit, pa ndonjë arsye të qartë apo shkak të identifikueshëm.

Në kërkesë, thuhet se deri tani mungon një vendimmarrje formale nga komisionet përkatëse, çka ka sjellë bllokim në vlerësimin dhe numërimin e këtyre zarfeve.

Në kërkesë theksohet se, sipas udhëzimit të punës së miratuar nga Komisioni Rregullator, komisionet duhet të votojnë me shumicë për çdo kontestim dhe të mundësojnë vijimin e procesit normalisht.

Vendimi përfundimtar pritet të merret nga secila KZAZ, pas shqyrtimit të kërkesës së PS-së dhe vlerësimit të situatës në terren.

LEXONI GJITHASHTU:

• Celibashi apel të fortë numëruesve: Mos cenoni votën e kandidatëve, do ndëshkoheni
• Përfundon numërimi i votës së kandidatëve në Vlorë, kush janë më të votuarit