“PS mori shumicën e votave edhe nga të burgosurit”, gazetarja raporton nga Peqini

Ashtu siç është reflektuar në rezultatin e votës nga qytetarët brenda vendit dhe diasporës janë dhe të burgosurit që kanë votuaar në masë Partinë Socialiste.

Trendi i mbështetjes për mazhorancën është vënë re edhe në qendrat e votimit të posaçme, si ato në institucionet e vuajtjes së dënimit.

Duke raportuar nga Peqini, gazetarja Aida Topalli bëri të ditur se në burgun e sigurisë së lartë të këtij qyteti, shumica e të burgosurve kanë votuar për Partinë Socialiste.

Sipas saj, nga numërimi i kutisë së votimit brenda burgut rezultuan 73 vota për PS, 15 për Partinë Demokratike, 2 për Partinë Socialdemokrate dhe 3 vota të pavlefshme.

“Po numërohet edhe një kuti e veçantë, ajo e qendrës së votimit brenda Burgut të Sigurisë së Lartë në Peqin. Kemi 73 vota për Partinë Socialiste, 15 vota për Partinë Demokratike, 2 vota për Partinë Socialdemokrate dhe 3 vota të pavlefshme. Edhe në burgun e Peqinit, ashtu si në burgjet e tjera, duket se ka një dominancë të Partisë Socialiste”, tha gazetarja Aida Topalli.

LEXONI GJITHASHTU:

• Rama për “Corriere della Sera”: E prisja fitoren e thellë, më votuan për vizionin
• “Rama fitoi me rezultat të thellë”, avokati: Opozita nuk do t’i njohë zgjedhjet