Në mbledhjen e fundit, Komisioni i Ligjeve i ka hapur rrugën krijimit të një regjistri kombëtar, që do të mbaje të dhënat e personave të dënuar për krime seksuale.
Mazhoranca dhe opozita kanë bashkuar votat duke i dhënë “Ok”, draftit për krijimin e regjistrit kombëtar të autorëve të veprave penale me natyrë seksuale.
Nismëtarja e projektligjit, deputetja e LSI Erisa Xhixho falënderoi kolegët e të dyja palëve në këtë komision, ndërsa pedagogia Iris Luarasi një nga mbështetëset e këtij propozimi njoftoi edhe nismën e radhës që do të paraqesin në Kuvend për mbrojtjen nga krimet seksuale.
“Shumë shpejt duam të sjellim kastrimin seksual. Kastrimi seksual është pilula që ul dëshirën për sulmuar seksualisht”, njoftoi Luarasi.
Projektligji për krijimin e regjistrit kombëtar të dënuar për krime seksuale do të votohet të enjten në parlament.
Kjo është hera e parë që mundësohet që të dhënat për personat e dënuar në vite për kryejnë e krimeve seksuale, të mblidhen në rang kombëtar. Përmes kësaj të dhëne do të jepet mundësia të dihet shpërndarja e këtyre personave.
LEXONI GJITHASHTU