‘PS të mos sillet si triumfatore’, Lindita Nikolla: Do jem avokate e mirë e opozitës

“Do jem një avokate e mirë e opozitës”. Kështu është shprehur për Euronews Albania, kryetarja e Kuvendit, Lindita Nikolla, teksa shtoi se në çdo moment do të respektojë rregulloren e Kuvendit.

“Do ta manifestoj në sjelljet dhe qëndrimet e mia dëshirën për të qenë një avokate e mirë e opozitës, në respekt të rregullores së Kuvendit dhe të ligjeve që janë të detyrueshme për t’u zbatuar nga të gjithë, por me dëshirën dhe vëmendjen që në Kuvendin e Shqipërisë, të gjithë të ndihen të barabartë”, u shpreh znj. Nikolla.

Ajo theksoi se Partia Socialiste nuk duhet të sillet si triumfatore, pasi ka detyrën e rëndësishme për të shërbyer.

“Për mua pozitë dhe opozitë janë vetëm numra. I takon së pari Partisë Socialiste të mos sillet si triumfatore, por të jetë e përulur se është zgjedhur për të shërbyer”, u shpreh znj. Nikolla.

LEXONI GJITHASHTU:

• Lindita Nikolla kryetare e Kuvendit, PD grisi fletët e votimit
• Lindita Nikolla thotë se ishte surprizë emërimi si kryetare e Kuvendit