“Pse Berisha po kthehet në mit”-Zheji: Berlusconi bënte skandale e italianët e donin

Analisti Artur Zheji është shprehur se ish-kryeministri Sali Berisha po kthehet në mit dhe po bëhet sërish trendy përmes interpretimit politik që ai i bën masës së arrestit nga SPAK.

Komentet Zheji i bëri në emisionin “Barometri” në Euroneës Albania, ku mori si shembull ish-kryeministrin Silvio Berlusconi që sipas tij, bënte lloj lloj skandali dhe italianët sërish e donin.

Ai tha gjithashtu se në Shqipëri disa politikanë kanë “marrë peng” klasën politike dhe është e vështirë të mendosh përtej alternativave të tyre.

“E gjithë kjo ça bën, e kompaktizon doktorin. Me instiktin e vetë, nëpërmjet interpretimit politik të masës së arrestit nga SPAK, ai bëhet mit, ai kthehet në modë. Bëhet trendy prapë. Edhe ti thua po mirë mo po këta si e mbajnë politikën peng për kaq vite.

Nuk është se i çojnë sms njëri-tjetrit, por është mekanizëm i vetëvetijshëm. Po pse e kanë fajin italianët që u dashuruan 4-5-6 vite me Berlusconin.

Ai bënte buga bunga, kishte lloj lloj skandalesh, ai kishte 200 procese gjyqësore, dilte në televizor dhe thoshte e djathta e familja, e më pas thoshte që duhen disa festa me 18 vjeçare që të mund t’i kontrolloje. Pse gjermanët u dashuruan me Hitlerin. Këtu nuk ke të drejtë të krijosh një korpus mendimi, se të thonë po nuk je me mua je kundër meje”, u shpreh Zheji.

LEXONI GJITHASHTU:

• Barometri: Socialistët shohin më pak korrupsion se të tjerët në vendin tonë!
• Gjetjet e Barometrit, Zheji: Besnikëria e PS ndaj liderit e frikshme, më tmerroi