Pse ka rënë pëlqyeshmëria për Ramën? Çipa: Ka një konsumim të qartë të figurës!

Gazetari Aleksandër Çipa ishte këtë të mërkurë në “Barometri” në Euronews Albania ku ka komentuar matjet e reja ku sipas të cilave, kryeministri Edi Rama ka pësuar një rënie.

Ai tha se kjo rënie vjen si pasojë e një qëndrimi 12 vjeçar në krye të pushtetit, ndërsa shtoi se kjo nuk është arsyeja e vetme.

“Një qeverisës 12 vjeçar i ka të gjitha arsyet që të lodh njerëzit, kemi një situatë ndenjeje që është edhe si efekt psikologjik, psiko-social.

E dyta mund të jetë edhe që ky autoritet që gëzon kaq shumë pushtete, janë disa efekte që ai u shmanget në diskutime dhe debate publike, reduktimi i pluralizimit në mënyrën më substanciale të fjalës.

Krijimi i një demokracie monstër brenda vetë partisë, ku mungon mendimi ndryshe, mungon diskutimi, debati, paradiskutimi. E treta është situata e krizës së opozitës që duam apo nuk duam ka përgjegjësi për situatën në të cilën ndodhet”,-tha Çipa.

LEXONI GJITHASHTU:

• Rama kryeson mendimin pozitiv, Meta mendimin negativ
• “Po fryn një erë e re”, Lami komenton rritjen e pëlqyeshmërisë për liderët e rinj