Pse ndodhi ndarja Basha-Bardhi? Preç Zogaj analizon situatën në PD

Analisti Preç Zogaj, ishte i ftuar këtë të premte në Euronews Albania, ku komentoi zhvillimet më të fundit në Partinë Demokratike, që kulmuan me bashkimin e Gazment Bardhit me Sali Berishën.

Teksa bërëi një kronologji të ndarjes që grupi i Gazment Bardhit pati me grupin e Lulzim Bashës në lidhje me procesin zgjedhor në PD, Zogaj tregoi dhe arsyet e përçarjes mes tyre.

Sipas tij një nga arsyet kryesore që deputetët e mbështetës të Gazment Bardhit, po shkojnë te grupimi i Berishës është fati i karrierës së tyre politike.

Sipas analistit deputetët mendojnë se kanë më shumë mundësi për t’u rizgjedhur sërish deputetë në grupin e Berishës se sa nëse do të garonin për Lulzim Bashën.

“Ajo që ka ndodhur është më e thjeshtë, grupi i Gazment Bardhit në Kryesinë e Partisë Demokratike nuk gjeti gjuhën me grupin tjetër në Partinë Demokratike për zgjedhjet në parti. Asnjë prej opzioneve nuk ishte vetëm i mirë apo vetëm i keq, duhet të kishte pasur më shumë urtësi apo gjakftohtësi për të përballur atë konfrontim qëndrimesh.  E dimë s’i shkoi, grupi i Bardhit bojkotoi procesin zgjedhor dhe nën petkun e kësaj mosmarrëveshjeje për zgjedhjet vlonin dhe divergjenca të tjera që lidhen me pozicionin e kësaj partie ndaj grupit të Rithemelimit. Këto divergjenca u thelluan dhe më tej. Kemi të bëjmë me një testim të Bardhit me shokë për të kaluar vijën ndarëse që ata kanë miratuar në Kuvendin e 18 dhjetorit që vënë një kusht të panegociueshëm që nuk do të bashkëpunojnë me persona non-grata.

Kalimi i kësaj vije është një e drejtë e tyre dhe aty kanë parë mundësi më të madhe për t’u zgjedhur deputetët dhe për të vijuar karrierën e tyre, pasi grupi i Berishës është më i madh”, tha Zogaj.

LEXONI GJITHASHTU:

• Spahiu: Berisha-Basha-Bardhi luftë me njëri-tjetrin, jo me Ramën
• Çfarë thonë ndërkombëtarët për bashkimin me Berishën? Përgjigjet Bardhi