Gazetarja Zefina Hasani komentoi gjetjet e Barometrit në Euronews Albania lidhur me perceptimin e qytetarëve për moshën e kandidatëve për bashkinë Tiranë.

Sipas saj, ndryshe nga Veliaj që ka pasur kohën e nevojshme të krijojë personalitetin dhe lukun, Këlliçi është i ri në këtë fushë dhe i paqartë në koherencën mes gjuhës së komunikimit dhe veshjes.

“Belindi është një element i ri që së fundmi është profilizuar, askush e nuk e njihte më parë. Gjuha  e komunikimit, stili i të veshurit, edhe ai vetë duket pak i paqartë në këto të dyja. Ai nuk ka pasur kohë të mendojë si duhet të sillet në këtë fushatë. Veliaj ka pasur kohë të përgatisë terrenin, ka ndryshuar në luk, hoqi syzet, ndryshoi mënyrën e të veshurit, ka punuar, ka pasur kohë të punojë që të bëhet i perceptueshëm dhe i pranueshëm. Ka krijuar personalitetin e vet dhe nuk ka frikërat që mund të ketë Këlliçi. Berisha për shembull ka mënyrën e vet, me stilin e foltores. Dhe Belindi dashje pa dashje do të duhet ta ruajë pak linjën e partisë që përfaqëson”, tha Hasani.

LEXONI GJITHASHTU:

• E dimë fituesin për kreun e Bashkisë Tiranë, Mavros: Sondazhi ka të dhëna të plota
• Kujt do t’ia linin çelësin e shtëpisë? Veliaj VS Këlliçi