Eksperti i ekonomisë Igli Tola është treguar kritik në lidhje me autoritetet e vendit tonë duke thënë se nuk po veprojnë siç duhet në lidhje me çmimet e produkteve.
Në një intervistë për Euronews Albania, ai ngjalli dyshimet se politika ka ndërhyrë në Autoritetin e Konkurrencës, Bankën e Shqipërisë dhe AMF.
Ai tha ndër të tjera se në momentin që të gjithë drejtuesit caktohen nga qeverisja dhe pushteti atëherë mundësia që kanë këto institucione të veprojnë dhe të penalizojnë operatorët abuzues, bëhet shumë e vështirë.
“Nëse administrata do të donte të bënte detyrën ky është momenti që të faktojnë ndryshimet e tyre. Secili prej nesh sheh se jashtë çmimet janë njëlloj si atje dhe këtu ose janë më shtrenjtë, atëherë kjo tregon se po abuzojmë. Se ku është abuzimi kjo është detyra e Autoritetit të Konkurrencës.
Kemi dhe AMF dhe duket sikur nuk po vepron fare. Kemi Bankën Qendrore ku duket se është vënë në diktatin e qeverisjes dhe pushtetit. Në momentin që të gjithë drejtuesit caktohen nga qeverisja dhe pushteti atëherë mundësia që kanë këto institucione të veprojnë dhe të penalizojnë operatorët abuzues, bëhet shumë e vështirë. Në momentin që hyn politika në mënyrë direkte në këto autoritetet, mundësia që këto të operojnë bëhet e vështirë.”- theksoi ai.
LEXONI GJITHASHTU:
- 100 mijë dollarë gjobë, qesharake, eksperti kritikon Autoritetin e Konkurrencës
- Begaj takohet me Imzot Arjan Dodaj, me rastin e festës së Krishtlindjeve
- Urimi i Imzot Massafra: Ta lëmë mënjanë inatin dhe urrejtjen, të rikthejmë paqen
