Miliarderët po kërkojnë thesarin e varrosur në Grenlandë pas shkrirjes së akullit

8 Gusht 2022 | 19:42

Disa nga njerëzit më të pasur në botë po financojnë një gjueti masive thesari, të kompletuar me helikopterë dhe transmetues, në bregun perëndimor të Grenlandës.

Kriza klimatike po shkrin akulli e Grenlandës me një ritëm të paprecedentë, i cili për ironi, po krijon një mundësi për investitorët dhe kompanitë e minierave që janë në kërkim të një grumbulli mineralesh të afta për të fuqizuar tranzicionin e energjisë së gjelbër, shkruan CNN.

Një grup miliarderësh, duke përfshirë Jeff Bezos, Michael Bloomberg dhe Bill Gates, ndër të tjera, po vënë bast se nën sipërfaqen e kodrave dhe luginave në ishullin Disko të Grenlandës dhe Gadishullin Nuussuaq ka mjaft minerale për të fuqizuar qindra miliona automjete elektrike.

“Ne po kërkojmë një depozitë që do të jetë depozitimi i parë ose i dytë më i madh i nikelit dhe kobaltit në botë”, i tha CNN Kurt House, CEO i Kobold Metals.

Akulli i zhdukur i Arktikut – në tokë dhe në oqean – nxjerr në pah një dikotomi unike: Grenlanda është terreni zero për ndikimet e ndryshimeve klimatike, por mund të bëhet gjithashtu terren zero për të gjetur metalet e nevojshme për zgjidhjen e krizës.

Klubi i miliarderëve po mbështet financiarisht Kobold Metals, një kompani e eksplorimit të mineraleve me bazë në Kaliforni, thanë përfaqësuesit e kompanisë. Kobold është në partneritet me Bluejay Mining për të gjetur metalet e rralla dhe të çmuara në Grenlandë që janë të nevojshme për të ndërtuar automjete elektrike dhe bateri masive për të ruajtur energjinë e rinovueshme.

Tridhjetë gjeologë, gjeofizikanë, kuzhinierë, pilotë dhe mekanikë janë vendosur në vendin ku Kobold dhe Blujay po kërkojnë për thesarin e varrosur.

 

LEXONI GJITHASHTU:

10 teori konspirative që janë në fakt të vërteta

‘E vërteta’, ish-presidenti Trump krijon platformën e tij sociale

Home Kryefaqja
Shiko në: YouTube
Lajme të Sugjeruara

Studimi: Arti dhe kultura mund të ngadalësojnë plakjen biologjike

Një studim i ri i zhvilluar në Londër ka zbuluar se angazhimi i rregullt në aktivitete artistike dhe kulturore mund të ndihmojë në ngadalësimin e...
14:15 | 12/05/2026

“Jam goca që thyen kockat”, akrobatja 17-vjeçare: Më thonë a ke hequr brinjët!

Enxhi Bardhi, vetëm 17 vjeç, është një akrobate e talentuar që po spikat me përkushtimin dhe disiplinën e saj në ushtrime dinamike. Ajo synon ta...
17:35 | 29/04/2026

Alarmi shëndetësor i studimit: Fibroza e mëlçisë prek në heshtje mijëra evropianë

Rreth një në 60 të rritur mbi moshën 40 vjeç mund të kenë fibrozë të mëlçisë të padiagnostikuar, sipas një studimi të ri evropian të...
08:21 | 21/04/2026