A do ta kërkojë KFOR lejimin e FSK në Veri? Eksperti: Dy opsionet e mundshme

Eksperti i sigurisë Avni Islami ishte këtë të mërkurë i ftuar në Euronews Albania për të folur rreth sulmit të ndodhur në afërsi të manastirit të Banjskës në Kosovë.

Ai tha se arsyeja se përse po shtohen trupat e NATO-s në këtë zonë, është se forcat e vendosura në kufirin serb janë shumë të mëdha dhe me më shumë armatime në krahasim me ato të KFOR-it.

Ai tha se për të parandaluar një konflikt të mundshëm, KFOR-i ose do të rrisë prezencën e saj, ose do të shfuqizojë marrëveshjen që trupat e FSK, të kontrollojnë Veriun.

“Raporti i forcave në terren e përcakton edhe gjendjen politike dhe të sigurisë në atë pjesë. Aleanca veri-atlantike, apo NATO ka vlerësuar se numri i ushtarëve të KFOR-it në raport me forcat në kufirin e Serbisë janë dispropocionale. Numri është jashtëzakonisht i madh, artileria e rëndë  me një arsenal luftarak nuk është në përputhje me forcat reale që disponon KFOR.

Kjo bën që aleanca veri-atlantike të marrë dy vendime, ose ta shfuqizoj marrëveshjen me forcën e sigurisë të Kosovës ku thuhet se forca e Kosovës nuk do veprojë në veri pa miratimin e NATO-s. Është momenti që institucionet e Kosovës të bëjnë kërkesë dhe ose të shtohen forcat e KFOR-it ose KFOR të kërkojë ndihmë nga forca e sigurisë së Kosovës”,-tha eksperti.

LEXONI GJITHASHTU:

• Shpërndante doza kanabisi pranë shkollave, arrestohet 49-vjeçari në Poliçan
• Balla parlajmëron një tjetër aksion: Kemi të dhëna nga Europol, policë të përfshirë