“Pse refuzova ta takoj Ramën?” Kreu i lëvizjes “Besa” në RMV zbulon arsyen

Bilall Kasami kryetari i komunës së Tetovës, ishte i ftuar këtë të enjte në një intervistë për Euronews Albania ku z buloi edhe arsyen se përse nuk morri pjesë në takimin e kryeministrit Rama me kryeministrin e Maqedonisë Dhimitër Kovaçeski.

Ai tha se e refuzoi këtë takim edhe pse kishte marrë ftesë më herët, pasi sipas tij shqiptarët në Maqedoninë e Veriut ndodhën tashmë në situatën më të keqe dhe vizitat e kryeministrit shqiptar sipas tij nuk duhet të jenë vizita të tilla protokollare.

“Ne kemi komunikim të rregullt me kryeministrin e Shqipërisë ashtu sikurse edhe me kryeministrin e Kosovës. Ne do të donim që ky komunikim të ishte edhe në bazë të një programi dhe në bazë t veprimeve të cilat do duhet të përcillen pastaj implementimi dhe avancimi i atij që të akordohemi në funksion të avancimit të të drejtave të shqiptarëve. Ne kishim më herët një festë për të ardhur në Tiranë vetëm për të ngrënë një darkë e për t’u fotografuar dhe e refuzuam.

Ngjashëm e vlerësojmë edhe vizitën e kryeministrit të Shqipërisë në Maqedoninë e Veriut në kohën kur shqiptarët e Maqedonisë së Veriut, janë më të diskriminuar se para 20 viteve. Në këtë situatë, vlerësojmë se roli i kryeministrit nuk duhet të jenë vetëm vizita protokollare.

Ne kërkojmë nga kryeministri Rama që të kërkojë llogaridhënie nga partitë shqiptare në qeveri për implementimin e pikave të deklaratës së nënshkruar në Tiranë nga gjithë kryetarët e partive shqiptare nën patronazhin e vetë kryeministrit Rama”,-tha Bilall Kasami.

LEXONI GJITHASHTU:

• Gabimi historik i BE: Po mbështet Serbinë, që ta largojë nga Rusia
• Shfaqje cirku në Durrës, turistë ndjekin nga afër akrobatët në qendër të qytetit