Këmbësori shmang përplasjen nga dy makina, i shpëton për mrekulli aksidentit (VIDEO)

Një aksident i rëndë ka ndodhur të martën në mbrëmje në Nju Jork, ku dy automjete u përplasën me shpejtësi të lartë dhe përfunduan mbi një ndërtesë, ndërsa një këmbësor i shpëtoi për mrekulli goditjes.

Ngjarja ndodhi në zonën Bedford-Stuyvesant të Bruklinit. Pamjet e kamerave të sigurisë tregojnë momentin dramatik kur një 20-vjeçar, i veshur me kostum blu, po ecte në Rrugën Fulton dhe në sekondat e fundit ndryshoi drejtim, duke shmangur përplasjen me automjetet që dolën jashtë kontrollit.

Sipas policisë, një Cadillac i zi dhe një BMW dyshohet se kaluan me semafor të kuq përpara se të përplaseshin me njëri-tjetrin dhe më pas të godisnin ndërtesën.

Si pasojë e aksidentit, të dy drejtuesit e mjeteve dhe këmbësori mbetën të plagosur, por ndodhen jashtë rrezikut për jetën në spital. Shoferi 56-vjeçar i Cadillac-it, Anthony Hayes, është arrestuar dhe përballet me disa akuza, përfshirë drejtim mjeti nën ndikimin e alkoolit, shkaktim të lëndimeve trupore me automjet, rezistencë ndaj arrestimit dhe rrezikim nga pakujdesia.

Ndërkohë, shoferi 43-vjeçar i BMW-së, Robert Walker, akuzohet për shkaktim të lëndimeve trupore me automjet, dëmtim të pronës dhe kalim me semafor të kuq.

Përplasja shkaktoi dëme të konsiderueshme edhe në një studio joge që ishte ende në ndërtim dhe ishte planifikuar të hapej më 1 gusht. Pronari i saj tha se hapja do të shtyhet për shkak të dëmtimeve të mëdha.

“Është e tmerrshme. Është thjesht tronditëse dhe dëmi është masiv. Pyes veten si mund të ndodhë diçka e tillë?”, u shpreh ai për mediat lokale.

NYPD arrested Cadillac driver Robert Walker (43) and BMW driver Anthony Hayes (56). All three (including the 28yo pedestrian) hospitalized and expected to recover. Noir Yoga’s Aug 1 opening now impossible.

Hayes charged with vehicular assault, DWI, reckless endangerment + more.… pic.twitter.com/eI4sJU4oe2

— Floridap8triot (@Floridap8triot) July 9, 2026

Wild video shows two cars almost hit pedestrian as smash into Brooklyn building in suspected road rage clash https://t.co/oyc4qQCmhq pic.twitter.com/jeprx5pYpP

— New York Post (@nypost) July 10, 2026