Pse zgjodhët Berishën dhe jo Bashën për marëveshje? Flet ministri i Ramës

Ministri i shtetit për Pushtetin Vendor Arbjan Mazniku ishte këtë të martë në “Now me Erla Mëhillin” ku i pyetur se përse PS zgjodhi si kundërshtar “Rithemelimin” dhe jo PD, ai u përgjigj, se kjo nuk i takon Partisë Socialiste.

Ai tha se partia Socialiste nuk mund të zgjedhë kundërshtarin e saj, ai zgjidhet me rregullore, ndërsa theksoi se synimi i vetëm i partisë socialiste është të vazhdojë punën për të cilën është votuar nga qytetarët.

“Partia Socialiste nuk zgjedh se kë ka kundërshtar. Nuk merret Partia Socialiste me kë ka përballë. Nuk është në tagrin tonë, as në gjykimin tonë, e as në kulturën tonë. Nuk është dhe nuk ka qenë kurrë puna jonë. Edhe kryetarin e grupit të opozitës nuk e përcakton Partia Socialiste, kjo përcaktohet me rregullore. Detyra jonë sot është të çojmë përpara Shqipërinë drejt 2030. Ne këtë detyrë na kanë caktuar qytetarët, asaj i qendrojmë”,-tha Arbjan Mazniku.

LEXONI GJITHASHTU:

• Agron Gjekmarkaj mund të përjashtohet nga PD? Gazetari: Çfarë po përgatit Basha
• Çfarë fitoi opozita nga pakti me Ramën? Gazetari: Ja kërkesat që do përmbushen