Çfarë fitoi opozita nga pakti me Ramën? Gazetari: Ja kërkesat që do përmbushen

Gazetari i Euronews Albania, Ardit Hoxha ishte këtë të martë i ftuar në “Now me Erla Mëhillin” për të folur rreth marrëveshjes që u arrit mes opozitës dhe mazhorancës.

Sipas gazetarit Hoxha, me këtë marrëveshje opozita ka tre arritje kryesore, njëra prej të cilave mbetet e cunguar. Këtu bëhet fjalë për komisionet hetimore, dhe sipas Hoxhës, kjo mbetet e cunguar pasi nga 8 kërkesa për komisione që ka bërë opozita vetëm dy janë miratuar.

“ka tre arritje për opozitën. E para është konfirmimi i faktit të njohur deri në këto momente që përballë Edi Ramës është Sali Berisha dhe Partia Demokratike e “Rithemelmit”. Me këtë marrëveshje Partia Socialiste ka pranuar që përballë ka demokratët e drejtuar nga Sal Berisha të drejtuar në parlament nga Gazment Bardhi.

Arritja e dytë është plotësimi i kërkesave për reformën zgjedhore, është shumë e rëndësishme, pasi me reformën zgjedhore përcaktohen rregullat e lojës për zgjedhjet e ardhshme.

Deri në datën 21 është mandati i këtij komisioni, kështu që në kushtet kur nuk pritet që të ketë ndonjë rezultat pozitiv, apo ndryshim të madh, apo plotësim i atyre kërkesave që ka shpalosur Lulzim Basha bashkë me partinë demokratike zyrtare, gjasat janë që ai ligj zgjedhor që ne do shkojmë në 2025 do të jetë produkt i nënkomisionit për të cilin është rënë dakord sot në konferencën e kryetarëve.

Arritja e tretë është për komisionet hetimore, por kjo është një “arritje gjysmake”. Opozita ka bërë diku te 8 kërkesa për ngritje komisione hetimore, por nga gjithë këto janë miratuar vetëm 2 komisione.

LEXONI GJITHASHTU:

• Dakordësia PS-Rithemelimi, Alibeaj: ‘Revolucioni’ i Berishës paska qenë gënjeshtër
• “21 Janari” reagon kryeministri Rama: Vendimi i GJL ktheu shpresën te shqiptarët