Publikohet foto e Radoçiç i ndaluar, dërgohet në Prokurorinë e Lartë në Beograd

Prokuroria e Lartë Publike në Beograd tha se ka marrë në pyetje Millan Radoiçiçin, i cili mori përgjegjësinë për organizimin e sulmit në Banjskë.

Në njoftim thuhet se ai u intervistua nën dyshimet se me disa persona të panjohur kanë kryer vepra penale që lidhen me “prodhim, mbajtje dhe trafikim pa leje të armëve të zjarrit dhe lëndëve plasëse” si dhe me “vepra të rënda kundër sigurisë së përgjithshme”.

Ndërkaq, Ministria e Brendshme e Serbisë njoftoi më herët se ka kontrolluar banesën dhe ambientet e tjera të Radoiçicit dhe se atij i është shqiptuar masa e ndalimit për 48 orë.

Radoiçiç u dërgua në Prokurorinë e Lartë Publike në Beograd me kallëzim penal, por nuk dha më shumë detaje.

LEXONI GJITHASHTU:

• Ministria e Punëve të Brendshme e Serbisë: Ndalohet Milan Radoiçiç
• Vuçiç: Të gjithë ata që kryen krime në Banjskë do mbajnë përgjegjësi, edhe Radoiçiç