Ministria e Punëve të Brendshme e Serbisë: Ndalohet Milan Radoiçiç

Këtë e ka konfirmuar Ministria e Punëve të Brendshme e Serbisë përmes një komunikate zyrtare.

“Zyrtarët policorë dhe Policia e Krimeve ka bastisur në apartamentin e Milan Radoiçiç, i cili është ndaluar për 48 orë”, thuhet në njoftim.

Pas sulmit të 24 shtatorit, Radoiçiç mori përgjegjësinë për përgatitjen e të gjitha veprimeve terroriste në afërsi të masatirit të Banjskës në Kosovë, ku mbeti i vrarë polici Afrim Bunjaku.

Në deklarimet e dhëna përmes avokatit të tij më 29 shtator, Radoiçiç e cilësoi veten si luftëtar për liri dhe tha se vdekja e policit Afrim Bunjaku ishte aksidentale.

“Vdekja e policit ndodhi aksidentalisht, pas së cilës filloi një përleshje e ashpër nga të dyja anët”, tha avokati.

Radoiçiç është një person i shpallur në kërkim nga autoritetet kosovare si udhëheqës i sulmit terrorist më 24 shtator.

Prishtina akuzon se pas sulmit fshihet presidenti Aleksandër Vuçiç dhe i gjithë shteti i Serbisë, me plane të ngjashme me ato të Rusisë në Krime, për të aneksuar Veriun.

LEXONI GJITHASHTU:

• Sveçla: Vila e Radoiçiç mund t’i kalojë ministrisë së Brendshme
• Sulmi terrorist në Banjskë, Policia e Kosovës operacion në tre komunat në Veri