Sveçla: Vila e Radoiçiç mund t’i kalojë ministrisë së Brendshme

Ministri i Punëve të Brendshme, Xhelal Sveçla deklaroi se vila e Milan Radoiçiçit buzë liqenit të Ujmanit është ndërtuar në tokën e Agjencisë Pyjore të Kosovës, dhe se “bypass” i tunelit është i uzurpuar nga ky kompleks i Radoiçiçit.

Sveçla ka treguar se është në bisedime me ministrin e Bujqësisë, Faton Peci, që kjo pronë t’i kalohet Ministrisë së Punëve të Brendshme “e pastaj të shfrytëzohet nga Policia e Kosovës për stacion për njësitin e barkave në Departamentin e Kufirit”.

Pak orë pas bastisjeve, Milan Radoiçiç e ka pranuar se ka qenë në fshatin Banjskë të Zveçanit më 24 shtator dhe se i ka bërë të gjitha përgatitjet logjistike për ngjarjet e asaj dite.

Kjo deklaratë u lexua nga avokati i tij Goran Petronijeviç për publikun nga Beogradi.

LEXONI GJITHASHTU:

• Publikohet video e vrasjes së policit Afrim Bunjaku në Kosovë
• Reagimi i parë zyrtar i Mbretërisë së Bashkuar për shtimin e trupave në Kosovë