Publikohet fotoja e parë e Prigozhin pas rebelimit kundër Moskës

“Media ruse publikon një fotografi të pretenduar të fundit të Prigozhin në një tendë polake në (gjoja) Bjellorusi”, shkruan Anton Gerashchenko, Këshilltar i Ministrit të Punëve të Brendshme të Ukrainës.

Yevgeny Prigozhin raportohet se u largua nga Rusia për në Bjellorusi menjëherë pas rebelimit të grupit të udhëhequr prej tij, Wagner ndaj ushtrisë ruse pak kohë më parë.

Sot presidenti i Rusisë, Vladimir Putin tha për mediat ruse se grupi paraushtarak “Wagner” nuk ekziston më, të paktën nga këndvështrimi juridik.

Kreu i Kremlinit ka theksuar se “çështja e vështirë” e legalizimit të luftëtarëve të “Wagner” duhet të diskutohet në Parlament.

Më tej, ai ka pranuar se është takuar me Prigozhin dhe komandantë të tjerë të grupit paraushtarak më 29 qershor në Moskë, pak ditë pas kryengritjes.

LEXONI GJITHASHTU:

• Putin shkrin Wagner, pranon se është takuar me Prigozhin pas kryengritjes
• “Prigozhin nuk është në Bjellorusi”- Lukashenko zbulon ku ndodhet kreu i Wagner