Publikohet shënimi që Berisha i la prokurorëve të SPAK: Më 11 maj…

Sali Berisha foli këtë të hënë pasi u paraqit në SPAK, ku si zakonisht ishte për të zbatuar masën e sigurimit, që kërkon paraqitjen e tij në institucionin e drejtësisë çdo të hënë të parë dhe të tretë të çdo muaji.

Në një deklaratë pas daljes nga SPAK, Berisha ka akuzuar SPAK-un dhe e ka quajtur atë një “prokurori politike”, duke theksuar se ky “regjim” do të përfundojë më 11 maj 2025.
Berisha tha se duke qenë se në procesverbal nuk i lejohej të bënte ndonjë shënim ai u la një letër prokurorëve si më poshtë:

“Edhe një gjë, është shumë interesante të lexoni aty ku firmos unë dëshminë. Aty thotë procesverbali se nuk mund të bëhet asnjë vërejtje. Dhe unë pastaj bëj një fletë të veçantë ku i them: Prokuroria politike e Edi Ramës, e kukullës së George Sorosit, me një krye-mercenar Dumanin, është vegël e regjimit të tij dhe patericë e pushtetit të krimit, i cili merr fund me turp më 11 maj 2025. Ky është mesazhi për Edi Ramën që lashë në tavolinë”, u shpreh Berisha.

“Ne jemi opozitë dhe beteja për votën e lirë është beteja jonë. Armiqtë e votës së lirë janë ministrat”, tha Berisha.

LEXONI GJITHASHTU:

• A do të jeta Meta në listën e sigurtë të PD? Berisha përgjgigjet pas daljes nga SPAK
• I rrethuar nga mbështetësit, Sali Berisha paraqitet në Prokurorinë e Posaçme