Puna nga shtëpia, 37.7% e ndërmarrjeve shqiptare realizuan takime virtuale

Pandemia e COVID-19 ndryshoi modelet e punës dhe bëri që shumë ndërmarrje t’u drejtohen takimeve virtuale për të kapërcyer distancën fizike dhe për të ruajtur bizneset e tyre.

Sipas të dhënave të Eurostat 37,7% e ndërmarrjeve shqiptare me 10 ose më shumë punonjës kanë aplikuar këtë formë të të punuarit nga shtëpia.

Kjo shifër është më e ulët se mesatarja e vendeve europiane, ku sipas të njëjtit raport, përgjatë vitit 2022 , 50% e ndërmarrjeve ose persona të vetëpunësuar  në  vendet e bashkimit Europain kanë kryer takime në distancë nëpërmjet internetit.

Suedia është vendi që e aplikoi më së shumti këtë risi të diktuar nga rregullat e izolimit.  79.4% e ndërmarrjeve suedeze zhvilluan takime online, e ndjekur nga Finlanda, Danimarka, Malta dhe Irlanda.

Ndërkohë që përqindjet më të ulta u regjistruan në Bullgari, Hungari, Rumani, Greqi dhe Sllovaki.

Kryesisht ndërmarrjet e mëdha ofronin akses të punës në distance duke u dhënë punonjësve akses në sistemin e postës elektronike, në dokumente dhe në aplikacione biznesi ose softuer të ndërmarrje.

Në vitin 2022, në BE, pothuajse 6 nga 10 ndërmarrje ofruan të tre llojet e aksesit në distancë për punonjësit e tyre.

LEXONI GJITHASHTU:

• Organizimi për Ditën e Çlirimit, ambasada gjermane përgënjeshtron mediat në Kosovë
• “Herët për rezultate”, Blinken e Macron për kundërofensivën: Mund të zgjasë me muaj