Puna pas pushimeve, psikologia Halilaj këshillon çfarë duhet bërë për shmangien e stresit

Psikologia Lenida Halilaj deklaroi në Euronews Albania se është ripërshtatja me mjedisin e punës ajo që e bën të vështirë rikthimin pas pushimeve.

Sipas saj, kthimi në punë pas një periudhe që e ke kaluar me njërëzit e dashur është i vështirë sepse trupi duhet të përshtatet me ndryshimin edhe fizikisht, duke marrë parasysh orarin e zgjimit, edhe psikologjikisht.

Këshilla e saj ishte përshtatja që një ose dy ditë para rikthimit. Halilaj u shpreh se është e rëndësishme që qytetarët të përgatiten para se të kthehen në shkollë ose punë në mënyrë që të mos jetë shumë i vështirë kalimi nga ditët pasive në ditët kur rutina të përball me një sërë detyrash dhe angazhimesh.

“Këshilla tjetër është të flenë shumë para ditës së parë të punës dhe ta ristartojnë ciklin e gjumit, pasi ajo që ndodh zakonisht është që ne na çrregullohet gjumi, ose flemë më shumë, ose flemë më pak, që nuk është mirë për rutinën tonë të përditshme,” – deklaroi psikologia.

Sipas saj janë personat që kanë bërë më shumë pushime ata të cilët përballen me stres më të madh.

LEXONI GJITHASHTU:

• ‘Omicron dominant në Shqipëri’, anëtari i Komitetit Teknik: Në fund të janarit, piku i infektimeve