Punësimi dhe sipërmarrja rinore në Bashkinë e Vlorës

Pjesë e temave të diskutuara në emisionin Rinvote në Euronews Albania ishte dhe punësimi në një prej bashkive më të rëndësishme në vend, siç është ajo e Vlorës.

Nga të dhënat e marra nga anketa të rinjtë në qytetin e Vlorës kanë mungesë në njohuritë mbi Kodin e Punës dhe punën informale.  Gjithashtu këshillimi i karrierës që në faza të hershme nuk është i plotë.

Një pikë kyçe është mungesa e strategjive për zhvillimin e atyre sektoreve që ofrojnë më shumë punësim për të rinjtë. Mungojnë gjithashtu strategjitë që firmat të incentivohen për marrje në punë/praktika të të rinjve.

Disa nga gjetjet dhe objektivat mbi punësimin e të rinjve në Vlorë:

1) Numri i vendeve të punës të hapura nga projekte të zhvilimit të infrastrukturës.

2) Të paktën 30 % e të rinjve të punësuar të jenë nën 30 vjeç.

3) 30% e të rinjvë të punësuar të jenë të regjistruar në Zyrën Rajonalë të Punës.

4) Sigurimi i aksesit për marrjen e informacionit dhe shërbimeve të këshillimit mbi karrierën për 10 përqind të të rinjve që ndjekin arsimin e mesëm dhe atë të lart.

5) Dhënia e udhëzimeve të individualizuara për karrierën dhe këshillimit për punësim për 20 përqind të të rinjve të regjistruar në shërbimin e punësimit.

6) Një numër të rinjsh të ndërgjegjësuar mbi të drejtat themelore në punë.

Disa nga problematikat e konstatuara janë se të rinjtë e Vlorës nuk ndihen të përfaqësuar, të konsultuar dhe të marrë në konsideratë sa herë hartohen plane strategjike rajonale. (Këshill Bashkiak)

Ajo që është vlerësuar si një mungesë e rëndësishme është mungesa e një netëork-u për të rinjtë dhe organizatat rinore.

Një problematikë tjetër në këtë qytet është funksionimi i mbyllur i partive politike dhe pjesëmarrja e të rinjve në çdo ngjarje dhe event të organizuar në qark është e dobët.