Punëtori i ndërtimit humb jetën në Kinostudio, ra nga lartësia e pallatit

Një ngjarje e rëndë është shënuar mëngjesin e kësaj të hëne në kryeqytet, ku një punëtor ndërtimi ka humbur jetën pasi ka rënë nga lartësia në kantierin ku punonte.

Në njoftimin e policisë thuhet se ngjarja ka ndodhur rreth orës 09:30 në zonën e Kinostudios, ku shtetasi Rr. M., rreth 66 vjeç, ka humbur jetën në vendin e punës.

Policia e Tiranës njofton se Grupi Hetimor po punon për sqarimin e rrethanave dhe dokumentimin e plotë të rastit ndërsa materialet procedurale i janë referuar Prokurorisë së Tiranës për veprime të mëtejshme.

Njoftimi i policisë

“Rreth orës 09:30, dyshohet se ka rënë nga lartësia gjatë punës në një firmë ndërtimi në Kinostudio shtetasi Rr. M., rreth 66 vjeç, i cili ka humbur jetën. Grupi Hetimor po punon për sqarimin e rrethanave të rastit dhe dokumentimin e plotë të saj. Materialet procedurale iu referuan Prokurorisë së Tiranës, për veprime të mëtejshme”, thuhet në njoftim.