Punimet në linjën hekurudhore Durrës-Tiranë, ARRSH tregon si do të devijohet trafiku

Autoriteti Rrugor Shqiptar ka bërë të ditur se në vijim të punimeve që po kryhen në projektin “Rikonstruksioni i linjës hekurudhore Durrës-Tiranë Terminali Publik i Transportit (TPT) dhe i linjës së re hekurudhore për në aeroportin ndërkombëtar të Rinasit (ANR)”, do të bëhet devijimi i Trafikut Rrugor në rrugën e vjetër të Durrësit, pranë nënstacionit të vjetër Rrashbull.

Përmes një njoftimi, ARRSH thotë se për të mos bllokuar qarkullimin e mjeteve, teksa do të punohet në korsinë e majtë do të lihet korsia e djathtë e lirë dhe anasjelltas.

Po ashtu bëhet e ditur se punimet në fjalë pritet të zgjasin 8 ditë, ndërkohë që ARRSH kërkon mirëkuptimin e qytetarëve

Njoftimi i ARRSH:

⚠️Në vijim të punimeve që po kryhen në projektin “Rikonstruksioni i linjës hekurudhore Durrës-Tiranë Terminali Publik i Transportit (TPT) dhe i linjës së re hekurudhore për në aeroportin ndërkombëtar të Rinasit (ANR)”, do të bëhet devijimi i Trafikut Rrugor në rrugën e vjetër të Durrësit, pranë nënstacionit të vjetër Rrashbull.

🛣️Për të mos bllokuar qarkullimin e mjeteve, teksa do të punohet në korsinë e majtë do të lihet korsia e djathtë e lirë dhe anasjelltas.

📆Punimet do të zgjasin 8 ditë, fillojnë ditën e martë, datë 06.02.2024-14.02.2024, dhe do të shoqërohen me sinjalistikën përkatëse sipas Planit të Menaxhimit të Trafikut.

🦺Kompania zbatuese në bashkëpunim me ARRSH dhe Policinë Rrugore kanë marrë të gjitha masat për menaxhimin e trafikut.

🙏Kërkojmë mirëkuptimin e drejtuesve të mjeteve dhe banorëve të zonës për këtë ndërhyrje.

#ARRSH #MIE

LEXONI GJITHASHTU:

• Trafiku i rënduar në Elbasan, ARRSH nis procedurat për Bypass-in e Elbasanit
• Pjesë e grupit që trafikoi 3.4 ton kanabis drejt Italisë, arrestohet 31-vjeçari