Punonjësi vdiq pas aksidentit në punë, arrestohet pronari i fabrikës së mermerit

Policia ka arrestuar pronarin e subjektit të përunimit të pllakave të mermerit në Dibër, ku ditën e enjte ndërroi jetë punonjësi 33-vjeçar.

Përmes një njoftimi zyrtar, policia bën me dije se pronari i biznesit u ndalua në flagrancë për veprën penale “Shkelja e rregullave të mbrojtjes në punë”.

Materialet në ngarkim të tij i kaluan prokurorisë për veprime të mëtejshme.

“Në lidhje me informacionin paraprak të dhënë ditën e djeshme, për  shtetasin B.M., 33 vjeç, që humbi jetën në spital, si pasojë e lëndimeve të marra, gjatë punës duke punuar në një subjekt të përpunimit dhe tregëtimit të mermerit, në Maqellarë, ju bëjmë me dije se:

Specialistët për Hetimin e Krimeve të Komisariatit të Policisë Dibër, në vijim të veprimeve hetimore të kryera në drejtimin e Prokurorisë, për këtë ngjarje të ndodhur, arrestuan në flagrancë për veprën penale “Shkelja e rregullave të mbrojtjes në punë”, shtetasin U.B., 51 vjeç, banues në Peshkopi, pronar i këtij subjekti”, thuhet në njoftimin e policisë.

LEXONI GJITHASHTU:

• EMRI| E dënuar për marrëdhënie seksuale me dhunë, arrestohet 30-vjeçarja në Lushnjë
• Me armë në brez në mes të lokalit në Tiranë, arrestohet 37-vjeçari
• Megaoperacioni “Tempulli”, arrestohet 27-vjeçari i shpallur në kërkim