Punonjësit e policisë gjejnë portofolin me euro, ia dorëzojnë të zotit në Velipojë

Dy punonjës policie që patrullojnë me biçilkleta në plazhin e Velipojës kanë gjetur ditën e djeshme në rrugën nr. 10 një portofol me një shumë të konsiderueshme lekësh dhe euro.

Efektivët Kristian Koçeku dhe Samet Qotaj, pas gjetjes së portofolit kanë njoftuar sallën operative, të cilët bënë të mundur dorëzimin tek personi që e kishte humbur.

Efektivët e policisë kanë marrë përgëzimet e Drejtorit të Drejtorisë Vendore të Policisë Shkodër Ervin Hodaj, i cili i ka falënderuar në emër dhe të Drejtorit të Përgjithshëm të Policisë së Shtetit, punonjësit e Policisë, për gjestin e bërë ditën  djeshme, ku treguan integritet dhe profesionalizëm.

“Punonjësit kanë takuar personin që kishte humbur portofolin, në adresën e dhënë nga Salla Operative, dhe i kanë dorëzuar atij portofolin me shumën e parave.

I zoti i portofolit ka falënderuar punonjësit e Policisë, për gjestin e tyre, që tregon vërtet misionin që ka Policia, shërbimin ndaj qytetarëve”, njofton policia.

LEXONI GJITHASHTU:

• Historia e artizanit: Vajza më vdiq në anijen ‘Vlora’, por me anijet mbaj familjen
• Pëson defekt anija turistike me 27 persona në bord në Karaburun