Punonjësit në Shqipëri janë të keqpaguar dhe punojnë në kushte të vështira, sidomos ata që janë pjesë e sektorëve të ndërtimit, minierave dhe industrisë energjetike. Fondi Europian i Trajnimeve (ETF) përllogarit në të dhënat e fundit se rreth 47% e të punësuarve në Shqipëri ishin në kushte pune të pasigurta më 2023, duke vuajtur nga një nga format më të rënda të pasigurisë (mungesa e sigurimeve, paga e ulët).

“Kontratat në pjesën më të madhe janë fiktive. Kushtet e punës nuk zbatohen në mënyrë të përpiktë. Një problem i madh është edhe paga, sepse kemi pagën gri, gjë do të thotë se punëdhënësi dhe punëmarrësi kanë rënë dakord që të deklarojnë një pagë më të ulët nga ajo që marrin realisht”,-tha Kondi Ilia, unioni i sindikatave në Shqipëri.

Kontratat në pjesën më të madhe janë fiktive, një problem i madh, dhe kushtet e punës nuk përmirësohen në mënyrë të përpiktë. Një problem i madh është puna gri, që do të thotë se ka pasur marrëveshje për të deklaruar një pagë për efekt të tatimeve, ndërkohë që pjesa tjetër nuk deklarohet. Ky fenomen duhet të trajtohet me sensibilizim, pasi punonjësit nuk duhet të pranojnë këtë gjë. Kushtet e punës kanë shumë problematika, sidomos në sektorët e vështirë si ndërtimi, minierat dhe industria e naftës.

Punonjësit e pambrojtur në Shqipëri gjithashtu kanë ardhur në rritje, nga 48.2% në vitin 2021, në 49% në vitin 2022, por kanë rënë në 46.8% në vitin 2023.

“Inspektoriati i Punës duhet të ketë inspektime më të shpeshta dhe të rrisë kapacitetet dhe numrin e inspektorëve për të mbuluar zonat që kanë shkelje të kushteve të sigurisë në punë. Kjo do të ndikonte në përmirësimin e standardeve dhe rritjen e cilësisë. Për këtë arsye, shumë të rinj ikin jashtë, ku gjejnë paga më të larta, respektohen dhe kanë kushte dhe të drejta më të mira pune”,-tha Ilia.

Në pesë vitet e fundit, 194 punëtorë kanë humbur jetën në vendin e punës në Shqipëri. Në Bashkimin Europian, vetëm 1 në 1000 aksidente përfundon me humbje jete, ndërsa në Shqipëri ky raport është 1 në 6.

LEXONI GJITHASHTU:

• OSHKSH: 94% e pacientëve të kënaqur me shërbimin në poliklinika
• Papunësia në nivele të larta, të huajt gjejnë treg pune në Shqipëri