94 % e pacientëve që kanë marrë shërbim shëndetësor në poliklinika e kanë patur të lehët të lënë një takim me mjekun e familjes. Kjo është një prej të dhënave që ka nxjerrë anketa e kryer nga Operatori i Shërbimit të Kujdesit Shëndetësor. Anketa e realizuar në terren në orën e pikut të vizitave, ka nxjerrë se si e vlerësojnë pacientët që janë kryesisht mbi 45 vjeç, shërbimin që ju ofrohet.

 “94% lehtësi në lënien e vizitës me mjekun e familjes, kemi në nivel kënaqësie 84% në nivel maksimal dhe kemi 5-6% pakënaqësi. Shkodër, Lezhë, Malësi e Madhe, Kukës, Has, Mirditë, Kurbin janë më të kënaqur me shërbimin, duhet të punojmë më shumë me rajonin e jugut, me Vlorën Sarandën”,-tha Jeta Deda, drejtore e operatorit.

Pacientët janë pyetur edhe se nga kush e kanë marrë shërbimin shëndetësor kur janë paraqitur në poliklinikë.

 “60% mjeku dhe infermieri, kur merret shërbimi. 39% vetëm mjeku dhe në 3% vetëm infermieri në zonat rurale”,

Për të marrë një panoramë më të qartë, mbi cilësinë e shërbimit të ofruar nga mjekët e familjes dhe ato specialit në poliklinika, për vitin 2025, anketa do të zhvillohet online, ku të kenë mundësi të japin vlerësimin e tyre të gjithë qytetarët e Shqipërisë.

LEXONI GJITHASHTU:

• “Jetoj në fshat, nuk e kam nga uji” – Flasin pacientët e helmuar në Bulqizë
• Pacientët me leucemi, pa mjekim/ KLSH: Pse iu mohua bari “ibrutinib”