Putin apel Rusisë: Rivalizoni Perëndimin në zhvillimin e Inteligjencës Artificiale

Presidenti i Rusisë, Vladimir Putin, i ka bërë thirrje vendit të tij që të rivalizojë Perëndimin në zhvillimin e inteligjencës artificiale.

Sipas mediave të huaja, komentet Putin i bëri në një konferencë që mbahej për inteligjëncën artificiale në Moskë, teksa nga ana tjetër lufta në Ukrainë po vijon.

Udhëheqësi rus ishte në Minsk dje për një takim të Organizatës së Traktatit të Sigurisë Kolektive, përpara se të kthehej në Rusi përpara samitit të sotëm të teknologjisë.

Putin u bëri thirrje bashkë-atdhetarëve të tij që të bëjnë përparime, pasi sipas tij, nuk duhet të lejojnë që Perëndimi të zhvillojë një monopol global.

“Në të ardhmen shumë të afërt, si një nga hapat e parë, do të nënshkruhet një dekret presidencial dhe do të miratohet një version i ri i strategjisë kombëtare për zhvillimin e inteligjencës artificiale”, tha Putin në konferencë.

LEXONI GJITHASHTU:

• Neurokirurgu: Inteligjenca Arificiale do lexojë rezonancat më saktë se mjeku
• Neurokirurgu Xhumari tregon si e identifikoi sëmundjen e rrallë