Putin bisedë telefonike me Erdogan, kërkon garanci reale nga Kievi për grurin

Presidenti rus, Vladimir Putin i ka thënë udhëheqësit turkm Recep Tayyip Erdogan se ai do garanci reale nga Kievi, përpara se t’i bashkohet sërish marrëveshjes për grurin.

Në një bisedë telefonike, Putin i bëri të ditur Erdoganit se Rusia po kërkon “garanci reale nga Kievi për respektimin e rreptë të Marrëveshjes së Stambollit, veçanërisht për mospërdorimin e korridorit humanitar për qëllime ushtarake”, thuhet në deklaratën e Kremlinit.

Rusia ka akuzuar më herët Ukrainën për abuzim me korridorin e sigurt për transportimin e grurit, për të sulmuar anijet ruse në Krime dhe ka pezulluar pjesëmarrjen e saj në marrëveshje, shkruan The Moscow Times.

Më 29 tetor, Ministria ruse e Mbrojtjes njoftoi se Moska po pezullonte pjesëmarrjen e saj në marrëveshjen për grurin “pas sulmit ukrainas me dron mbi anijet e flotës ruse të Detit të Zi, si dhe në anijet civile në Sevastopol”.

Putin i tha Erdoganit se “është e nevojshme të kryhet një hetim i plotë për rrethanat e incidentit” kundër flotës së Detit të Zi.

Ukraina deklaroi se pretendimi i Rusisë ishte një “pretekst i rremë” për t’u tërhequr nga marrëveshja.

LEXONI GJITHASHTU

• Ukraina kërkon përjashtimin e Rusisë nga samiti i G20-s
• Ukraina pa energji e ujë, raketat ruse sulmojnë infrastrukturën civile
• Lufta në Ukrainë, SHBA do sjellë në Evropë armë bërthamore