Putin kërkon një “Bjellorusi në Detin e Zi”, çfarë dihet nga negociatat SHBA-Rusi

Presidenti rus, Vladimir Putin, duket se nuk është lëkundur nga qasja e tij të cilën e ka patur që nga fillimi i luftës në Ukrainë.

Qëllimi i Moskës, sipas analistëve, është kthimi i Ukrainës nën ndikimin rus, me një president pro-Moskës në vend, një lloj “Bjellorusie në Detin e Zi”.

Zyrtarët rusë e përshkruajnë këtë qëndrim si një mënyrë për të adresuar “shkaqet rrënjësore të luftës”. Megjithatë, nën presionin e Shteteve të Bashkuara, ka shenja se Putin të konsiderojë një fund të luftës nëse Ukraina pranon të heqë dorë nga 30% e Donetskut, që ende nuk është nën kontrollin rus.

Derisa kjo mundësi të shqyrtohet, Rusia ka shmangur çdo kërkesë për armëpushim dhe ka mbajtur qëndrime të forta përballë sanksioneve të mundshme ndërkombëtare, duke e vendosur qartë veten si një faktor kyç në negociata.

Presidenti rus, Vladimir Putin, i ka komunikuar Presidentit amerikan se është i gatshëm të dorëzojë territorët e tjera të pushtuar në Ukrainë vetëm nëse i jepen rajonet lindore të Donetskut dhe Luhanskut.

Mediat ndërkombëtare thonë se Trump ka shprehur mbështetje për këtë plan, ndërsa Presidenti ukrainas, Volodymyr Zelensky, ka përjashtuar mundësinë e dorëzimit të ndonjë territori të Ukrainës.

Aktualisht, Rusia kontrollon rreth një të pestën e territorit ukrainas, përfshirë rreth tre të katërtat e provincës Donetsk, duke e bërë situatën gjeopolitike dhe ushtarake të ndërlikuar dhe sfiduese për çdo negociatë.

LEXONI GJITHASHTU: 

• Zelensky refuzon propozimin e Putinit për dorëzimin e rajonit të Donbasit
• Putin propozon armëpushim: Ukraina të tërhiqet nga Donbasi dhe të njohë Krimenë