Putin: Nuk po krijojmë një aleancë ushtarake me Kinën

Rusia dhe Kina nuk po krijojnë një aleancë ushtarake dhe nuk po fshehin asgjë, në kuptim të bashkëpunimit ushtarak, tha presidenti rus, Vladimir Putin, në një intervistë të transmetuar të dielën nga televizioni shtetëror rus.

Putin dhe presidenti i Kinës, Xi Jinping, thanë se shtetet e tyre kanë miqësi dhe u zotuan për lidhje më të ngushta, gjatë takimit të tyre në Moskë në fillim të kësaj jave, në kohën kur Rusia po përpiqet të shënojë fitore në atë që e quan “operacion të posaçëm ushtarak” në Ukrainë.

“Ne nuk po krijojmë ndonjë aleancë ushtarake me Kinën”, citohet të ketë thënë Putin, sipas Interfax.

“Po, ne kemi bashkëpunim në sferën e ndërveprimit ushtarako-teknik. Ne nuk e fshehim këtë. Gjithçka është transparente, nuk ka asnjë sekret”, shtoi lideri rus.

LEXONI GJITHASHTU:

• Putin nënshkruan marrëveshje për transferimin e armëve bërthamore në Bjellorusi
• Helmohet kundërshtarja e Putin, rëndohet gjendja shëndetësore e Elvira Vikhareva