Putin pritet të vizitojë Korenë e Veriut për herë të parë pas 24 vitesh

Presidenti rus Vladimir Putin do të vizitojë Korenë e Veriut, tha sot një zyrtar i paidentifikuar i presidencës së Koresë së Jugut.

Zyrtari konfirmoi se Putin do të vizitojë Phenianin në të njëjtën kohë me dialogun strategjik për diplomacinë dhe sigurinë midis Koresë së Jugut dhe Kinës, i cili është planifikuar të fillojë javën e ardhshme.

Mediat ruse raportuan më parë se Putini pritet të vizitojë Korenë e Veriut brenda muajit, gjë që do ta bënte udhëheqësin rus të vizitojë Phenianin për herë të parë në 24 vjet.

Kremlini njoftoi më parë se Putin kishte pranuar ftesën e liderit të Koresë së Veriut Kim Jong-un për të vizituar atje gjatë samitit të vitit të kaluar në Rusi.

Koreja e Veriut dhe Rusia kanë forcuar lidhjet ushtarake dhe kanë zgjeruar fushën e bashkëpunimit në fusha të ndryshme që nga samiti, sipas Yonhap.
LEXO GJITHASHTU:

• Çfarë dihet deri tani nga nëndetëset bërthamore të Rusisë të vendosura në Kubë
• Të shtëna paralajmëruese nga Jugu teksa ushtarët e Koresë së Veriut kalojnë kufirin