Putin vizitë në Teheran, bisedime me presidentin iranian dhe turk për sigurinë

Presidenti rus Vladimir Putin u takua të martën në Teheran me homologun iranian Ebrahim Raisi dhe atë turk Recep Tayyip Erdogan.

Në fokus të bisedimeve ishin çështje të ndryshme, që nga lufta në Siri deri tek konflikti në Ukrainë dhe propozimi i mbështetur nga OKB për rifillimin e eksporteve të grurit ukrainas.

Pas takimit me presidentin iranian, Putin deklaroi se marrëdhëniet mes Federatës Ruse dhe Republikës Islamike po ecin gradualisht në drejtimin e duhur.

Ndërsa Perëndimi ka vendosur një seri sanksionesh ndaj Rusisë, Putin po orvatet të krijojë aleanca të reja, si për shembull ajo me Iranin, që mund të kthehet në një partner i mundshëm ushtarak për Moskën.

Por mbi të gjitha, vizita në Teheran i ofron kreut të Kremlinit shansin për të diskutuar me Erdogan, i cili është vetëofruar si ndërmjetës për zgjidhjen e kontestit Rusi-Ukrainë dhe atë të grurit ukrainas të bllokuar në detin e Zi.

LEXONI GJITHASHTU

• Putin do të vizitojë Iranin mes akuzave të SHBA për blerjen e dronëve
• Paralajmërimi i SHBA-ve: Irani planifikon të furnizojë Rusinë me dronë