Qarkulloi 250 milionë euro para të pista, kush është shqiptari i arrestuar në Greqi

Detaje të reja janë zbuluar nga megaoperacioni i Europol në Greqi, ku u godit një grupi kriminal që merrej me trafikimin e lëndëve narkotike. Në pranga përfundoi dhe 52-vjeçari shqiptar nga qyteti i Sarandës, Thanas Bako alias Athanasios Bako, i cili fillimisht u raportua si koka e kartelit të drogës.

Bako dyshohet se përmes një kompanie për shitjen e pasurive të paluajtshme, pastronte paratë e siguruara nga aktiviteti i paligjshëm i trafikut të kokainës në Holand dhe Belgjikë.

52-vjeçari ra në rrjetën e hetuesve pas një hetimi të nisur 6 muaj më parë nga autoritetet holandeze.

Pasi hetuesit thyen aplikacionin e komunikimit të trafikantëve, zbuluan dhe një personazh të rregjistruar me 3 gërma, i cili ndodhej në Greqi.

Hulumtimet zbuluan se ai ishte shtetasi shqiptar Thanas Bako, pronar i një kompanie të pasurive të paluajtshme.

Bako sipas holandezëve përdorte një metodë alternative të transferimit të parave, duke përdorur një “korrier” cashi për të mbledhur dhe dorëzuar paratë, i cili informonte mbi transfertat e kryera.

Pas kopmunikimeve me jomologët grek u zblua se Bako ishte banues në Glifadha, në Greqi. Nga aplikacionet Encrochat, Sky ECC dhe Anom, u zbulua veprimtaria e Bakos në periudhën Qershor 2020 – Maj 2021, ku përllogaritet të jenë qarkulluar rreth 250 milionë euro para të pista.

Kompania e Real Estate në pronësi të 52-vjeçarit ka në pronësi të paktën 13 apartamente në zonën e Dafnit dhe Ilioupolit.

Gjatë ontrollit në banesën e shqiptarit u gjetën 16 mijë euro dhe 2 ora luksoze me vlerë 100 mijë euro. Gjithashtu atij iu sekuestrua dhe llogaria bankare në të cilën kishte 70 mijë euro.

LEXO GJITHASHTU:

• “250 mln € në 10 muaj”-Kapet 52-vjeçari shqiptar, koka e kartelit të drogës në Greqi
• Aksion anti-drogë në Mat, zbulohen parcelat me kanabis në mes të pyllit