Aksion anti-drogë në Mat, zbulohen parcelat me kanabis në mes të pyllit

Policia e Matit ka asgjësuar 350 bimë narkotike cannabis sativa, të cilat u gjetën të kultivuara në një zonë të pyllëzuar në fshatin Macukull të Matit.

Policia ka mundur të arrestojë një 33-vjeçar, si autorin e dyshuar të kultivimit të këtyre bimëve. I riu u kap në flagrancë duke punuar në njërën nga parcelat që kishte kultivuar bimët narkotike. Ai tentoi të largohej, por ndëryrja në kohë e shërbimeve të policisë bëri të mundur prangosjen e tij.

Më herët, gjatë fazës së parë të këtij operacioni janë asgjësuar 164 bimë canabis dhe u shpall në kërkim autori i dyshuar.

Materialet procedurale në ngarkim të tij i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.

“Shërbimet e Komisariatit të Policisë Mat, bazuar në inteligjencë informative dhe si rezultat i planit operacional të koduar “Kreshta të pastra”, për kontrollin e pandërprerë të territorit me qëllim parandalimin dhe goditjen e tentativave për të kultivuar bimë narkotike, konstatuan të kultivuara në një zonë të pyllëzuar të fshatit Macukull, 350 bimë narkotike cannabis sativa, të cilat u asgjësuan me anë të djegies.

Në njërën nga parcelat ku ishin kultivuar disa prej bimëve, u kap duke punuar shtetasi., 33 vjeç, banues në Tiranë, autori i dyshuar i kultivimit të këtyre bimëve, i cili në momentin e ndërhyrjes së policisë ka tentuar të largohej, por është kapur dhe arrestuar në flagrancë”, njofton polica.

LEXO GJITHASHTU:

• “250 mln € në 10 muaj”-Kapet 52-vjeçari shqiptar, koka e kartelit të drogës në Greqi
• Qarkulloi 250 milionë euro para të pista, kush është shqiptari i arrestuar në Greqi