“Qëllimi, ndarja e Kosovës”- Haradinaj reagon për draftin e Ramës për Asocacionin

Ish-ministrja e Jashtme e qeverisë së Kosovës, Meliza Haradinaj, ka reaguar në lidhje draftin e propozuar nga kryeministri Rama për krijimin e asocacionit të komunave me shumicë serbe.

Përmes një postimi në Twitter Haradinaj shprehet kundër një drafti të tillë, pasi sipas saj ka si qëllim ndarjen e Kosovës.

“Pra tash “agjentët” e idesë së shkëmbimit të territoreve janë vënë në lëvizje për jetësimin e Asociacionit me kompetenca ekzekutive. Të mos gabohemi. Qëllimi mbetet i njejtë: ndarja e Kosovës!!”, shkruan Haradinaj në Twitter.

Kujtojmë se përmes një konference për media, Rama njoftoi se drafti për Asocacionin i propozuar nga qeveria shqiptare i është dorëzuar kancelarit gjerman Olaf Scholz dhe kryeministrit francez Emanuel Macron, me qëllim ç’tensionimin e situatës në veri dhe normalizimin e marrëdhënieve mes Kosovës dhe Serbisë.

LEXO GJITHASHTU:

• Rama propozon draftin për krijim e Asocacionit për zgjidhjen e krizës në Kosovë
• “Situata në Kosovë alarmante”, Rama: Nuk mund të qëndroj spektator
• Rama: Nëse ndërkombëtarët i kthejnë shpinën Kosovës, futet në ditët e zeza të saj