Qëllohet me armë kryetari i komunës së Haraçinës në Maqedoninë e Veriut

Një ngjarje e rëndë ka ndodhur paraditen e kësaj të hëne në Maqedoninë e Veriut.

Mediat vendase raportojnë se është qëlluar me armë ndaj automjetit të kryetarit të komunës së Haraçinës, Ridvan Ibrahimi.

Si pasojë e të shtënave me armë kanë mbetur të plagosur dy persona, shoferi i kryetarit të komunës dhe një nënpunës, të cilët po marrin kujdesin e nevojshëm mjekësor.

Mediat maqedonase shkruajnë se personi që ka kryer sulmin është identifikuar dhe rezulton një person me precedentë të rrezikshëm kriminal.

Mësohet se i dyshuari është larguar me një veturë të tipit ‘Golf’ në drejtimin e rrugës Haraçinë-Kumanovë.

Policia maqedonase bën me dije se është vënë në ndjekje të autorit dhe po punon për kapjen e tij.

LEXONI GJITHASHTU:

• Konflikti nisi për vajzën që kishte në makinë, si u vra 18-vjeçari në Tiranë
• Vrasja e 18-vjeçarit në Tiranë, arrestohen autorët e dyshuar! Del foto e viktimës