Një person dyshohet se pas një konflikti për motive të dobëta ka qëlluar me armë zjarri drejt banesës së personit me të cilin ishte konfliktuar duke synuar ta kërcënojë atë.
Ngjarja ka ndodhur rreth orës 23:50, në fshatin Shakllnur në Durrës.
Pas të shtënave autori është larguar dhe vijon të jetë në kërkim nga policia.
Njoftimi i policisë:
Rreth orës 23:50, në fshatin Shakllnur, dyshohet se pas një konflikti për motive të dobëta, shtetasi E. Gj. ka qëlluar me armë gjahu në ajër, në afërsi të banesës së shtetasit E. T., me qëllim kanosjen.
Shërbimet e Policisë ndodhen në vendngjarje dhe po bëjnë krehjen e zonës, me qëllim kapjen e autorit.
Në cilësinë e provës materiale është sekuestruar arma e gjahut me të cilën qëlloi shtetasi E. Gj., e cila posedohej me leje, nga babai i tij. Ndërkaq, një grup i posaçëm hetimor po punon për të zbardhur rrethanat e rastit.
LEXONI GJITHASHTU:
- Joe Biden mirëpret në Shtëpinë e Bardhë kritikun e Kremlinit, Kara-Murza
- I mori bizmesmenit 10 mijë € duke e shantazhuar, arrestohet kryekomisari (Emri)
