Qëlloi me shpullë një nxënëse, procedohet mësuesja 47-vjeçare

Një mësuese është proceduar penalisht në qytetin e Elbasanit pasi ushtroi dhunë ndaj një nxënëseje.

Mësuesja 47-vjeçare do të hetohet në gjendje të lirë për gjuajtjen me shpullë të nxënëses së saj.

Materialet procedurale në ngarkim të saj i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

“Specialistët për Hetimin e Krimeve të Komisariatit të Policisë Elbasan referuan materialet në Prokurori ku nisi procedimi në gjendje të lirë për shtetasen.

– K. P., 47 vjeçe, mësuese në një shkollë 9-vjeçare, në qytetin e Elbasanit, pasi dyshohet se gjatë orës mësimore, ka gjuajtur me pëllëmbë, një nxënëse”, thuhet në njoftimin e policisë.

LEXONI GJITHASHTU:

• Iu bllokonte valët e telefonit, kush është i riu që mbante të mbyllura nënën e gruan
• Parandalohet ngjarja kriminale, arrestohet 45-vjeçari me 3 mina me telekomandë
• Vetëvrasja e policit/ Eksperti: 35 vite në shërbim, e hodhën në rrugë brenda ditës