Qëndrimi për Berishën, Nishani: Prania e tij në parlament asnjë kosto për PD-në

Partia Demokratike ende nuk e ka marrë një vendim në lidhje me raportin që do të ketë me Sali Berishën në parlamentin e ri, nëse do e ketë apo jo pjesë të grupit parlamentar.

Ish-kryetari i Këshillit Kombëtar të PD, Bujar Nishani tha në një intervistë për Euronews Albania se prania e Berishës, grupi parlamentar demokrat më tepër do të fitonte se sa do të humbiste.

“Unë mendoj se nuk ka për t’i sjellë asnjë lloj kostoje qenia e z.Berisha në parlament, sepse Rama dhe maxhoranca nuk është se e kanë të lehtë përballjen me z.Berisha në verbin politik,” – tha Nishani.

Sipas tij, përqendrimi i diskutimit politik te Sali Berisha dhe raporti i tij me grupin parlamentar të PD, ka dy sponsor me qëllime të përbashkëta.

“Ky debat në konceptin tim është një debat i sponsorizuar nga aleanca tashmë e dukshme Rama dhe Basha, pasi është një çështje që iu konvenon të dyja palëve në raport me situatën e tyre politike,” – vijoi ish-Presidenti.

Bujar Nishani tregoi edhe një tjetër problem të PD sot, që sipas tij ka ndikuar në humbjen e zgjedhjeve.

“Partia Demokratike është bërë më e mbyllur se në 2005. Është bërë më e vogël se PD e 2005. Nga PD janë larguar më shumë njerëz se në 2005, tregon se PD ka shkuar në kahun e kundërt,” – u shpreh Nishani.

LEXONI GJITHASHTU:

• Berisha: Nëse PD më përjashton do të bëj gjithçka për ta rikthyer partinë
• Berisha: Të premten do të jem në parlament në përputhje të plotë me vullnetin e shqiptarëve
• Çështja Berisha, Baton Haxhiu: Basha po pranon në heshtje verdiktin amerikan
• Andi Bushati: Basha po luan rolin e strucit, kjo është e pafalshme