Qetësi në PD, gazetari Hoxha tregon çfarë po planifikohet në selinë blu

Kur janë numëruar mbi 95 për qind e kutive të votimit në të gjithë vendin Partia Demokratike është në disavantazh mbi 200 mijë vota në raport PS. Nga projeksionet e deritanishme, PD-ASHM merr 52 deputetë për Kuvendin e Shqipërisë.

Gazetari Ardit Hoxha raportoi nga selia blu ku siç tha është qetësi absolute dhe nuk ka pasur asnjë lëvizje përveç vizitës rutinë të Berishës në zyrën e tij.

Ai tregoi se çfarë pritet të ndodhë në selinë blu në ditët në vazhdim pas humbjes që i lë demokratët 16 vjet në opozitë.

“Pritet që gjatë 2-3 ditëve të ketë zhvillime sa i takon mbledhjes me drejtuesit e qarqeve për të rinisur një lloj aksioni të ri që pritet të ndërmarrë opozita, qoftë për të mos njohur këtë proces zgjedhor që në një farë mënyrë u paralajmërua nga Berisha 1 ditë më parë apo edhe qasje të tjera që kanë të bëjnë me denoncimin e parregullsive. Ka edhe zëra që flasin për një proces riorganizimi dhe rithemelimi të plotë të PD duke nisur nga një tërheqje e Berishës apo edhe ristrukturimi total të kësaj partie për t’u bërë gati për procesin e ardhshëm që është një ndër më të rënda që PD ka pësuar që i lë demokratët 16 vjet në opozitë”, tha gazetari Hoxha.

LEXONI GJITHASHTU:

• I pari në primare por jashtë listës, Hysen Kadiu reagon pas fitores së PD në Kavajë
• Përfundon numërimi i votave në Lezhë: PD forca e parë, si ndahen mandatet