Qeveria serbe këshillohet në çdo hap me Rusinë, takime të shpeshta ditët e fundit

Qeveria serbe duket se po këshillohet hap pas hapi me Rusinë për situatën në Kosovë dhe rrëmbimin e tre policëve në veri.

Takimet ndërmjet përfaqësuesve të lartë të Serbisë dhe përfaqësuesve diplomatikë të Rusisë janë bërë ditët e fundit gjithnjë e më të shpeshta.

Takimi i fundit me ambasadorin rus në Beograd u mbajt nga ministri aktual i Mbrojtjes, Millosh Vuçeviç, i cili në fund të majit zyrtarisht mori postin e presidentit të Partisë Progresive Serbe (SNS) në pushtet, pas largimit të Aleksandër Vuçiç.

Gjatë takimit, ministri Vuçeviç e informoi ambasadorin rus për “situatën aktuale të sigurisë në Kosovë”.

Kujtojmë se pak ditë më parë, Vuçiç dhe Ivica Daçiç, ndër të tjera, ishin të ftuar në ambasadën ruse në Beograd me rastin e Ditës së Rusisë.

Ambasadori rus tha se “e vetmja mënyrë për të zgjidhur të gjitha mosmarrëveshjet është ulja e tensioneve dhe zbatimi i marrëveshjeve detyruese ndërkombëtare, duke respektuar të drejtën ndërkombëtare përsa i përket integritetit territorial dhe sovranitetin e Serbisë”.

Një ditë më parë, zëdhënësja e Ministrisë së Jashtme Maria Zakharova tha se Rusia po bën thirrje për hapa vendimtarë për të rivendosur dialogun normal ndërmjet Kosovës dhe Serbisë.

LEXO GJITHASHTU: 

• Zhduken dy persona në Kosovë, familjarët denoncojnë në polici
• “Të pranojnë takimin pa asnjë kusht” BE ultimatum Kurtit e Vuçiç: Refuzimi ka pasoja
• Rama: Nëse s’lirohen policët këtë javë, rikthehet akulli në marrëdhëniet me Serbinë