Qindra qytetarë në Vlorë nxitojnë të përfitojnë nga tarifa aktuale për patentë

Vendimi për të dyfishuar çmimin e patentës nga 45 mijë lekë në 85 lekë ka bërë që qytetarët në Vlorë të nxitojnë për të plotësuar dokumentacionin përkatës.

Kjo gjë ka sjellë radhë të gjata institucionet ku merren këto shërbime.

Qytetarët ankohen se kanë humbur ditën e punës dhe duan të përfitojnë para se të dyfishohet çmimi.

“Ika erdha ika, jam në punë, kam lënë ditën pushim sot, vij këtu humbas ditën, duhet të vij prapë nesër,” – u shpreh një qytetar.

“Do marri vajza patentën, është në Tiranë, nuk të zgjidh njeri. Vemi atje na thonë do vish këtu, kjo thotë nuk ke prenotuar, unë i kam marrë të gjitha në rregull,” – tha një grua.

Mjekët thonë se është e papërballueshme, pasi janë të njëjtët që ofrojnë edhe shërbimin mjekësor. Nga 20 persona që paraqiten për patenta gjatë ditëve normale, prej 1 javë numri i qytetarëve që kërkojnë shërbim e kalon shifrën 100.

LEXONI GJITHASHTU:

• Dyndje në poliklinikë për patentë, qytetarët në Durrës të revoltuar
• Eksperti i arsimit: Nipi i nëndrejtoreshës qëlloi me armë në Vlorë, ja çfarë ndodhi